@Sancti/05-26o

[Rank]
;;Duplex;;3;;vide C2b

[Rule]
vide C2b;
9 lectiones

[Lectio4]
Eleutherius, natióne Græcus, Abundio patre natus Nicopoli Epiri óppido, ex presbytero sanctæ Románæ Ecclesise, post Soteris mortem, totíus cleri suffrágiis, Románus Póntifex renuntiátus est, Marco Aurélio imperatóre Augusto, anno Dómini centésimo septuagésimo nono. Quo múnere egrégie, et summa cum laude functus est annos quíndecim, dies vigínti tres: tribus ordinationibus mense Decémbri factis, creatisque presbyteris duódecim, diáconis octo, epíscopis per divérsa loca quíndecim.

[Lectio5]
Ab Ecclésia Lugdunensi per lítteras, de nonnúllis quæstionibus consultus, Irenæum virum doctissimum litterárum latorem humaniter excépit eíque Apostolicas traditiones, quas RomanaEcclesia illibatas servaverat, apéruit Superstitiosas Montanistarum xerophagias damnávit: optimas leges pro recta judiciórum ecclesiasticórum forma præscrípsit; Marcionem et Valentinum sǽpius relapsos, ab Ecclésia pénitus ejécit.

[Lectio6]
Cum summa pace Ecclésia frueretur, multos étiam ex optimatibus ad Christi fidem Romæ convértit Alucio Britannorum rege lítteras per legátos accépit, divíni verbi minístros postulante, ad quem Fugatium et Damianum Románæ Ecclésiæ presbyteros misit, a quibus rex ipse cum tota família, et súbditi fere omnes sacro lavácro regenerati fúere. His demum aliísque pro divíno cultu peractis, sancto fine quiévit, sub imperatóre Cómmodo, quinto Kaléndas Júnii, sepúltus in Vaticáno.
