@Sancti/07-13

[Rank]
;;Duplex;;3;;vide C2b-1

[Lectio4]
Anaclétus, natióne Græcus, Atheniénsis, patre Antiocho, multis rebus præcláre gestis celeberrimus, post interregnum pontíficum quátuor mensium et decem diérum, christiánæ religiónis summum pontificátum adéptus, Cleménti per martyrium subláto, tértio Nonas Aprílis subrogatur, seditque in cáthedra Petri novem annos, tres menses, et dies decem, presbyteris quinque, tribus diáconis et sex epíscopis duplici ordinatióne creátis, sub Trajáno imperatóre.

[Lectio5]
Hic Principi Apostolórum memóriam, seu ecclésiam, gratus et memor tanti benefícii ab eo accepti, per sacri órdinis collationem, dum adhuc présbyter esset, in Vaticáno exstrúxit atque ornávit, Apostolórum trophæum ab antíquis pátribus mérito appellátam, quam nullo unquam furentis licet persecutionis turbine dejici potuisse sed, quod omnem admiratiónem superat, majore in dies glória auctam fuísse compertum est: futúrum sane secuturis tempóribus majóris et amplioris molis nobile rudimentum.

[Lectio6]
Res ab eo gestæ, quas mirificas fuísse multis argumentis conjicere licet, commúni scriptórum antiquórum naufragio obscuræ atque obrutæ manserunt. Multa ad religiónem et disciplínam spectantia prudénter státuit, ac præ céteris, ut epíscopus a paucióribus quamtribus epíscopis mínime consecrarétur; ut clérici sacris ordínibus públice a próprio epíscopo initiaréntur; et ut in Missa, perácta consecratióne, omnes communicdrent. Óbiit tandem martyrio coronátus, tértio Idus Júlii, et juxta corpus beáti Petri sepúltus est.
