[Officium]
S. Sergii I Papæ et Confessoris

[Rank]
;;Duplex;;3;;vide C4b

[Rule]
vide C4b;
9 lectiones

[Name]
Sérgii
(sed communi Summorum Pontificum)
Sérgium

[Lectio4]
Sérgius, Antiochénus génere, Tiberio patre, Panormi in Sicília natus, Conone vita functo, anno Christi sexcentésimo octogésimo séptimo, anuente Deo, et suffragántibus ómnium votis, in sacro Lateranénsi palatio assúmptus, fœdissimum schisma, quod exarchi imperatóris avarítia et Paschális archidiaconi ambitio excitarant, in ipso ortu exstínxit. Adeodato Pontífice Romam véniens, in Ecclésiæ Románæ clerum ab eódem ascitus, et a Leóne hujus nóminis secúndo présbyter tituli sanctæ Susánnæ ordinátus, impigre suo múnere defúnctus est.

[Lectio5]
Cánones a Græcis sextas synodo dein affictos, instánte licet et dira minante imperatdre, admittere nóluit, sed ut spurios, non sine vitæ perículo, constánter abjecit. Magnam Domínicæ crucis portiónem, revelante Deo a se inventam, in basílica Constantiniána populoadorandamcollocavit. Corpus sancti Leónis in obscúro cdnditum angulo, Dei nutu, inde amóvit, et ornatiori loco ómnibus colendum exposuit. Basílicam demum Vaticanam inmimeris donis ornávit, egregiis certe amóris sui erga Príncipem Apostolórum monumentis.

[Lectio6]
Chilianum et sócios martyrio deínde affectos in Germániam, Willibrordum et Switbertum cum sóciis in Frisiam aliásque circumjectas regiónes misit, in quibus máximum paganórum númerum ad Christi fidem converterunt. Coadvallum Britonum regem Romam venientem excépit, et sacro baptísmate tinxit. Ravennátibus Damianum, Leodiensibus Ubertum, Britannis Berectualdum epíscopos ordinávit. Státuit ut Liturgiæ sacræ pius versus: Agnus Dei, qui tollis peccáta mundi, miserére nobis, adderetur. Méritis dénique plenus, postquam sedisset trédecim annis, ménsibus octo, sancto fine quiévit, ac sepúltus est in Vaticáno.
