[Officium]
S. Evaristi Papæ et Martyris

[Rank]
;;Duplex;;3;;vide C2b

[Rule]
vide C2b;
9 lectiones

[Name]
Evarísti
(sed communi Summorum Pontificum)
Evarístum
Postcommunio=Evarísto

[Lectio4]
Evaristus Græcus natióne, patre Judæo génitus, christiánæ pietátis studiosíssimus Trajáno imperatóre ad cáthedram Petri promótus est, seditque in ea annos novem, menses tres. Fecit ordinatiónes quátuor mense Decémbri, ac creávit presbyteros decem et septem, diáconos duos, epíscopos per divérsa loca quíndecim.

[Lectio5]
Ecclesiárum títulos Urbis Romæ presbyteris eum divisisse legimus, ut unusquísque suæ parœciæ terminis ac limitibus distingueretur; et mandasse, ut altária, in quibus Sacra fiunt, exstrúcta ex lápide, benedicerentur: ut septem diáconi epíscopum custodirent, ipsique adessent dum prædicatiónis evangelicæ offício et ministério fungitur, quasi traditæ ab illo doctrínæ testes.

[Lectio6]
Constítuit étiam ex traditióne apostólica, ut matrimónium públice celebrétur, et sacerdótis benedíctio adhibeatur. His aliísque salutaribus utilibusque constitutionibus edendis pontificátus sui tempus transégit; non tamen illud omísit, ut simulacrorum cultum ex ánimis hóminum avelleret; qua in re, cum strénue laborásset, martyrio coronátus est, ac sepúltus prope sepulchrum Príncipis Apostolórum in Vaticáno, séptimo Kaléndas Novémbris.
