[Officium]
S. Eutychiani Papæ et Martyris

[Rank]
;;Duplex;;3;;vide C2b-1

[Rule]
vide C2b;-1
9 lectiones
In 3 Nocturno lectiones ex C4 in 2 loco

[Name]
Eutychiáni
(sed communi Summorum Pontificum)
Eutychiánum

[Lectio4]
Eutychianus, natióne Tuscus, pátria Lunensis, Marino patre, post beáti Felícis sacerdótium Románæ Ecclésiæ Episcopátum suscépit. Constítuit fruges, fabas, et uvas super altári benedici: itémque a fidélibus nullatenus mártyrem sepeliri sine dalmatica, aut purpurato colobio. Qui cum per divérsa loca trecentos sexagínta duos mártyres sua manu sepelisset, illis et ipse sociatus, sub Numeriano Imperatóre martyrio coronátus est sexto Idus Decémbris, sepultúsque in cœmetério Callísti via Appia. Quinque ordinationibus mense Decémbri creávit Presbyteros quatuórdecim, Diáconos quinque, Epíscopos per divérsa loca novem. Vixit in Pontificátu annos octo, menses quinque, et dies áliquot. 

[Lectio5]
Sermo sancti Máximi Epíscopi
!De S. Cypriano Hom. 2.
In martyrio beatissimi Eutychiani, fratres caríssimi , univérsa nobíscum Christi exsultat Ecclésia, quam in omne gáudium , et cœlestis eruditióne sermónis instruxit, et múnere triumphális sánguinis decorávit. Fuit enim in eo, sicut compertum habemus, et contra erróres diáboli spirituális sapiéntiæ plenitúdo, et advérsum persecutiones mundi Christiáni pectoris mitigata constántia. Quis non hujúsmodi virum quantis valet præcóniis prosequatur, cujus eloquéntia inspirata divínitus et Ecclésias dócuit et sǽculum confutávit?

[Lectio6]
Vere hic mirábilis atque ómnium ubíque stúdiis celebrandus, quem sánctitas sacerdótem, peritia doctórem, fides mártyrem consecrávit. Pretiósa , inquit David , in conspéctu Dómini mors Sanctórum ejus. Vidéte, caríssimi, in quantum venerábilis Eutychianus étiam propheticam supergressus est laudem , cujus in conspéctu Dómini non solum mors, sed et vita éxstitit pretiósa. Moriendo namque próprium Christo sánguinem dedit: vivendo nihilóminus cohortatione fortíssima innúmeros cœlo mártyres acquisívit.
