[Rank]
S. Gulielmi, Episcopi et Confessoris;;iij. Lect. et M.;;1.2;;vide C4-1

[Rule]
vide C4-1;mtv
3 Lectiones

[Name]
Guliélmi

[Lectio1]
@CommuneCist/C4:Lectio1 in 3 loco

[Lectio2]
Beátus Guliélmus, a primæva ætáte avúnculo suo Suessionénsi Archidiácono a paréntibus tráditus est, móribus et lítteris informándus. Post hæc Canónicus efféctus, et nóxia sæculi blandiménta fúgere géstiens, ad Grandimonténsem erémum convolávit: unde majóri ánimi securitáti cónsulens, ad Pontiniacénse Cisterciénsis Ordinis Monastérium se tránstulit. Primo Fontis Joánnis, deínde Carolíloci Abbas efféctus, tandem in Primátem Bituricénsis Ecclésiæ eléctus est. In hujus dignitátis fastígio collocátus, simul cum exterióri hábitu, ac pristína victus austeritáte, eámdem mentis humilitátem, oratiónum instántiam, morúmque sanctitátem, quam ántea, retínuit.

[Lectio3]
Fuit ipsíus páuperes misericórdia exúberans; erga omnes afflíctos singuláris cháritas; in sustinéndis contradictiónibus, et persecutiónibus mira patiéntia; dénique pro Cathólicæ veritátis defensióne zelus admirábilis, ita ut étiam sénio conféctus contra hæréticos Albigénses profectiónem paráret, votísque fecísset satis, nisi advérsa córporis valetúdine præpedítus fuísset. Ingravescénte morbo cum óbitus sui diem certo præscíret, se Sacramentórum præsídio matúre præmuníri curávit, ac nocte subsequénte, compléto matutináli Offício, quod coram se cantári jússerat, depósitis Pontificálibus vestiméntis, se próprio nisu depónens in terram, signáculo crucis adstántibus colláto, felíciter emísit spíritum.

[Responsory1]
@CommuneCist/C4:Responsory2

[Responsory2]
@CommuneCist/C4:Responsory5

[Responsory3]
@CommuneCist/C4:Responsory8
