@Sancti/01-29

[Officium]
S. Francisci Salesii, Episcopi, Confessoris et Ecclesiæ Doctoris

[Rank]
;;Simplex;;1.2;;vide C4a

[Rule]
vide C4a;mtv
3 lectiones

[Lectio1]
@CommuneCist/C4:Lectio1

[Lectio2]
Francíscus in óppido Salésio, unde famíliæ cognómen, piis et nobílibus paréntibus natus, a téneris annis futúræ sanctitátis indícia præbuit, morum innocéntia et gravitáte. Adoléscens perpétuæ virginitátis voto se obstrinxit, quod in sacra æde Lauretána innovávit. A cujus virtútis propósito nullis umquam dæmonum fráudibus, nullis sénsuum illécebris pótuit dimovéri. Recusáta in Sabáudiæ Senátu amplíssima dignitáte, Clericáli milítiæ nomen dedit. Sacerdótio initiátus et Genevénsis Ecclésiæ præpositúram adéptus, ejus múneris partes ádeo perfécte explévit, ut a Granírio Epíscopo in profligánda hæresi apud Chaballicénses finitimósque pópulos divíni verbi præco fúerit destinátus. Quam expeditiónem álacri ánimo suscípiens, aspérrima quæque perpéssus est: sed inter multa magnáque discrímina et agónes ínsuperábilis ejus constántia semper enítuit; Deíque ope protéctus, septuagínta duo míllia hæreticórum ad catholicam fidem reduxísse dícátur.

[Lectio3]
Factus Genevénsis Epíscopus, sanctitátis suæ rádios circumquáque diffúdit, zelo Ecclesiásticæ disciplínæ, pacis stúdio omníque virtúte conspícuus. Novum Ordinem sanctimoniálium instítuit, a Visitatióne beátæ Maríæ Vírginis nuncupátum, sub Régula sancti Augustíni; cui áddidit constitutiónes sapiéntia, discretióne et suavitáte mirábiles. Suis étiam scriptis cœlésti doctrína refértis, Ecclésiam illustrávit. Annum dénique agens quinquagésimum quintum, dum e Gállia Annesium regréditur, post Sacrum in die sancti Joánnis Evangelístæ Lugdúni celebrátum, gravi morbo corréptus, sequénti die migrávit in cœlum, anno reparátæ salútis millesimo sexcentésimo vigésimo secúndo, et a summo Pontífice Pio nono, ex Sacrórum Rítuum Congregatiónis consúlto, universális Ecclésiæ Doctor fuit declarátus.

[Responsory3]
@CommuneCist/C4a:Responsory12
