[Rank]
B. Gerardi, Confessoris;;iij. Lect. et M.;;1.2;;vide C5

[Rule]
vide C5;mtv
3 Lectiones

[Name]
Gerárdi

[Oratio]
Deus, qui ánimam beáti Gerárdi ánimæ sancti Bernárdi, fratris ejus, in religióne et sanctitáte ita conglutinásti, ut una et eadem in Christo esse viderétur: quæsumus, utriúsque intervéntu, mentes nostras tibi in charitáte conjúnge; ut omnes simul in spíritus unitáte tibi inserviéntes in terris, te uno pérfrui mereámus in cœlis.
$Per Dominum

[Lectio1]
@CommuneCist/C5:Lectio1 in 2 loco

[Lectio2]
De Sermóne sancti Bernárdi Abbátis.
!Serm. 26. in Cant.
Cérnitis, o fílii, quam justus sit dolor meus pro subtrácto mihi Gerárdo. Frater ille erat génere, sed religióne germánior. Infírmus córpore eram, et ille portábat me; pusíllus corde eram, et confortábat me; piger et négligens, et excitábat me; impróvidus et obliviósus, et commonébat me. Quis ita mihi pernecessárius? Cui æque diléctus ego? Quo mihi avúlsus es, homo unánimis, homo secúndum cor meum? Habes certe, o Gerárde, pro me tantíllo repósitam tibi Christi præséntiam; nec dispéndium sentis abséntiæ nobis tuæ, Angelórum admíxtus choris, ingréssus abyssum lúminis, atque illo pelágo ætérnæ felicitátis absórptus, cui áffatim sui, suorúmque cópiam Dóminus Majestátis indúlsit.

[Lectio3]
Déderat autem illi Dóminus linguam erudítam, ut sciret, quando debéret proférre sermónem: ita enim in prudéntia responsórum suórum, et in grátia sibi data désuper, et domésticis satisfaciébat, et éxteris, ut pene me nemo requíreret, cui prior forte Gerárdus occurrísset. Quis vacua ab eo recéssit manu? Si dives, consílium, si pauper, subsídium reportábat. Nec quærébat, quæ sua sunt, qui se médiis ingerébat curis, ut mea in Dómino stúdia utcúmque líbera essent. Síquidem plus ómnibus laborábat, et minus ómnibus accipiébat, ita ut sæpe cum áliis necessária ministráret, egéret ipse in plúribus.

[Responsory2]
@CommuneCist/C5:Responsory5

[Responsory3]
@CommuneCist/C5:Responsory12
