[Officium]
B. Conradi, Eremitæ et Confessoris

[Rank]
;;Simplex;;1.2;;vide C5

[Rule]
vide C5;mtv
3 lectiones

[Oratio]
Deus, qui beátum Conrádum, Confessórem tuum eremíque cultórem, cœléstis pátriæ civem effícere voluísti: concéde propítius; ut ejus festivitátem venerántes, calcátis terrenórum afféctibus, supérnis desidériis accendámur.
$Per Dominum

[Lectio1]
@CommuneCist/C5:Lectio1

[Lectio2]
Conrádus Henríci cognoménto nigri, Baváriæ ducis fílius, ab ipsa puerítia Dei grátia prævéntus, sæculi pompam contémnens longe a conturbatióne hóminum oratióni vacáre in delíciis habébat. A patre Colóniam missus in Canonicórum claustro humánis divinísque lítteris instituéndus, ádeo in illis simul et virtútibus profécit, ut summis honóribus dignus haberétur. Séntiens autem se a Deo ad altióra vocátum, divi Bernárdi éxcitus fama in Claravallénsi cœnóbio monásticum institútum ampléxus est, tantáque brevi sanctimónia enítuit, ut ab eódem sancto Patre, qui spíritus probáre bene nóverat, véniam in Palæstinam proficiscéndi, ibíque vitam agéndi eremíticam obtinére merúerit.

[Lectio3]
Postquam per áliquot annos cum pio quodam provectióris ætátis ascéta, cui in ómnibus tamquam servus invícta humilitáte ministrabant, in solitário monte degísset, defúncto sene, et locis illis, advérsa Christianórum fortúna, Mahumedanórum feritáti paténtibus, cœpit ipse, máxime cum triste núntium de divi Bernárdi fere pérdita valetúdine accépisset, de réditu in Gálliam et ad suum monastérium cogitáre. E Palæstína ígitur navem conscéndens‚ Bárium, sancti Nicolái civitátem, ingravescénte qua jam laboráre cœperat in firmitáte‚ appéllere coáctus est: ac ne a pristíno propósito vel mínimum recéderet, in quamdam cryptam, quarto a Bário milliário, beatíssimæ Deíparæ dicátam sese ábdidit; ubi post áliquod tempus, odóre sanctitátis diffúso, décimo sexto Kaléndas Aprílis in ósculo Dómini quiévit.
