[Officium]
S. P. N. Benedicti, Abbatis

[Rank]
;;Serm. min.;;5;;ex C5b

[Rule]
12 lectiones
Psalmi Dominica

[Name]
Benedícti

[Ant Vespera]
Iste Sanctus * digne in memóriam vértitur hóminum, qui ad gáudium tránsiit Angelórum; quia in hac peregrinatióne solo córpore constitútus, cogitatióne et aviditáte in illa aetérna patria, conversátus est.
Justum dedúxit Dóminus * per vias rectas, et osténdit illi regnum Dei, et dedit illi sciéntiam Sanctórum: honestávit illum in labóribus, et complévit labóres illíus.
Amávit eum Dóminus, * et ornávit eum: Stolam glóriæ induit eum, et ad portas paradísi coronávit eum.
Iste cognóvit * justítiam, et vidit mirabília magna, et exorávit Altíssimum, et invéntus est in número Sanctórum.

[Responsory Vespera 1]
R. Sanctus Benedíctus plus appétiit mala mundi pérpeti, quam laudes, 
* Malens pro Deo labóribus fatigári, quam vitæ hujus favóribus extólli. Allelúia.
V. Divína namque prævéntus grátia, magis ac magis ad supérna ánimo suspirábat:
R. Malens pro Deo labóribus fatigári, quam vitæ hujus favóribus extólli. Allelúia.

[Hymnus Vespera]
v. Láudibus cives résonent canóris,
Templa solémnes moduléntur hymnos:
Hac die summi Benedíctus arcem
Scandit olympi.
_
Ille floréntes peragébat annos,
Cum puer dulcis pátriæ penátes
Liquit, et solus látuit silénti
Cónditus antro.
_
Inter urtícas rigidósque sentes
Vicit altrícem scélerum juvéntam:
Inde consrípsit documénta vitæ
Pulchra beátæ.
_
Æream turpis Clárii figúram,
Et nemus stravit Véneri dicátum,
Atque Baptístæ pósuit sacráto
Monte sacéllum.
_
Jamque felíci résidens olympo,
Inter ardéntes Séraphim catérvas
Spectat, et dulci réficit cliéntum
Corda liquóre.
_
Glória Patri, Genitǽque Proli
Et tibi, compar utriúsque semper
Spíritus alme, Deus unus, omni
Témpore sæcli.
Amen.

[Ant 1]
Sanctíssime * Conféssor Dómini, Monachórum pater et dux, Benedícte, intercéde pro nostra omniúmque salúte.

[Oratio]
Excita, Dómine, in Ecclésia tua Spíritum, cui beátus Benedíctus, Abbas, servívit: ut, eódem nos repléti, studeámus amáre quod amávit, et ópere exercére quod dócuit.
$Per Dominum

[Invit]
Justus florébit in domo Dómini plantátus: * Gaudeámus et exultémus in ejus sacra solemnitáte.

[Hymnus Matutinum]
Quidquid antíqui cecinére Vates,
Quidquid ætérne moniménta legis,
Cóntinet nobis celebránda summi
Vita Monárchæ.
_
Extulit Móysen píetas benígnum,
Inclitum proles Abraham decórat,
Isaac sponsæ decus et sevéri
Jussa paréntis.
_
Ipse virtútum cúmulis onústus,
Célsior nostri Patriárcha cœtus,
Isaac, Móysen, Abraham sub uno,
Péctore clausit.
_
Ipse, quos mundi rápuit procéllis,
Hic pius flatu státuat secúndo:
Pax ubi nullo, requiésque gliscit
Mixta pavóre.
_
Glória Patri, genitáeque Proli,
Et tibi, compar utriúsque semper
Spíritus alme, Deus unus,
omni Témpore sæcli.
Amen.

[Ant Matutinum] (nisi tempore paschali)
Fuit vir vitæ venerábilis, * grátia Benedíctus et nómine.;;1
Ab ipso puerítiæ * suæ témpore cor gerens seníle, ætátem móribus tránsiens, nulli ánimum voluptáti dedit.;;2
Dum in hac terra adhuc esset, * quo temporáliter líbere adhuc uti potuísset, jam, quasi áridum mundum cum flore despéxit.;;4
Núrsiæ * província ortus, Romæ liberálibus litterárum stúdiis tráditus a paréntibus fúerat.;;5
Relícta domo * rebúsque patris, soli Deo placére cúpiens, † sanctæ conversatiónis hábitum quæsívit.;;8
Recéssit ígitur * sciénter nésciens, et sapiénter indóctus.;;10
Hic ítaque * cum jam relíctis litterárum stúdiis pétere desérta decrevísset, nutrix quæ hunc árctius amábat, secúta est.;;14
Prædícta * nutrix illíus ad purgándum tríticum a vicínis muliéribus præstári sibi capistérium pétiit, quod casu accidénte fractum est.;;20
Compássus * nutríci oratiónem fudit Benedíctus puer cum lácrymis, et capistérium reparávit.;;23
Benedíctus Dei fámulus * magnum fecit miráculum, fudit preces ad Dóminum, et rejúnxit capistérium.;;63
Huic, dum erémum péteret, * Románus mónarchus obviávit: cujus cum desidérium cognovísset, et secrétum ténuit, et adjutórium impéndit.;;64
Cumque * in specu pósito submítti panem diábolus conspíceret, jactávit lápidem, et tintinábulum fregit.;;91
Sanctimoniális autem fœmina, * cum negántis verba audísset, oratiónem fudit et inundátio plúviæ erúpit.;;256;257;258

[Responsory1]
R. Fuit vir vitæ venerábilis grátia Benedíctus et nómine, † ab ipso puerítæ suæ témpore cor gerens seníle
* Ætátem quippe móribus tránsiens nulli ánimum voluptáti dedit.
V. Recéssit ígitur sciénter néscius et sapiénter indóctus.
R. Ætátem quippe móribus tránsiens nulli ánimum voluptáti dedit.

[Responsory2]
R. Beátus Benedíctus fámulus Dómini magnum fecit miráculum, fudit preces ad Dóminum, 
* Et resolidávit confráctum capistérium.
V. Benedíctus puer, cum nutrícem suam flere conspíceret, ejus dolóri compássus est.
R. Et resolidávit confráctum capistérium.

[Responsory3]
R. Inito consílio venénum vino miscuére: quo obláto ex more ad benedicéndum Patri, vir Dei signo Crucis édidit, et vas pestíferi potus ita confráctum est,
* Ac si pro signo lápidem dedísset.
V. Intelléxit prótinus vir Dei, quia potum mortis habúerat, quod portáre non póterat signum vitæ.
R. Ac si pro signo lápidem dedísset.

[Responsory4]
R. Sanctus Benedíctus plus appétiit mala mundi pérpeti quam laudes; † pro Deo labóribus fatigári,
* Quam vitæ hujus favóribus extólli.
V. Divína namque prævéntus grátia magis ac magis ad supérna ánimo suspirábat.
R. Quam vitæ hujus favóribus extólli.

[Lectio5]
@Sancti/03-21:Lectio4:s/Sed .*//s

[Responsory5]
R. Dómine, non aspícias peccáta mea, sed fidem hujus hóminis, qui rogat resuscitári fílium suum: et redde in hoc corpúsculum ánimam quam tulísti. Et compléta oratióne revíxit:
* Et sanum réddidit patri suo.
V. Et regrediénte ánima corpúsculum omne contrémuit, † et sub óculis ómnium qui áderant, vivus appáruit.
R. Et sanum réddidit patri suo.

[Lectio6]
@Sancti/03-21:Lectio4:s/.*(Sed)/$1/s

[Responsory6]
R. Cumque sanctus Benedíctus in cella consísteret, elevátis sursum óculis, vidit soróris suæ ánimam de córpore ejus egréssam,
* In colúmbæ spécie cæli secréta penetráre.
V. Qui tantæ ejus glóriæ congáudens omnipoténti Deo grátias rétulit, ejúsque óbitum frátribus denuntiávit.
R. In colúmbæ spécie cæli secréta penetráre.

[Lectio7]
@Sancti/03-21:Lectio5:s/Quare .*//s

[Responsory7]
R. Intempéstæ noctis hora vir dei instans vigíliis assíduæ oratiónis, velut sub uno solis radio,
* Omnem mundum colléctum conspexit.
V. Vidénti enim Creatórem angústa est omnis creatúra.
R. Omnem mundum colléctum conspexit.

[Lectio8]
@Sancti/03-21:Lectio5:s/.* (Quare)/$1/s s/Quod ubi.*// s/$/~/
@Sancti/03-21:Lectio6:s/ánimam: .*/ánimam./

[Responsory8]
R. Pater sanctus dum inténtam oculórum áciem in splendóre corúscæ lucis habére viderétur, † vidit Germáni ánimam Capuáni epíscopi
* In sphæra ígnea ab angelis in cælum deférri.
V. Factúmque est, ut reverendíssimum virum Germánum epíscopum is qui missus fúerat, jam defúnctum réperit.
R. In sphæra ígnea ab angelis in cælum deférri.

[Lectio9]
Léctio sancti Evangélii secúndum Matthǽum. 
!Mat. 19:27-29
In illo témpore: Dixit Petrus ad Jesum: Ecce nos relíquimus ómnia, et secúti sumus te: quid ergo erit nobis? Et réliqua.
_
Homilía venerábilis Bedæ Presbýteri.
!Homil. in Natali S. Ben.
Perféctus ille est, qui ábiens véndit ómnia quæ habet, et dat paupéribus, ac véniens séquitur Christum; habébit enim thesáurum non deficiéntem in cœlis. Unde bene, interrogánte Petro, dixit tálibus Jesus: Amen dico vobis, quod vos qui secúti estis me, in regeneratióne, cum séderit Fílius hóminis in sede majestátis suæ, sedébitis et vos super sedes duódecim, judicántes duódecim tribus Israël.

[Responsory9]
R. Eódem vere anno, quo de hac vita erat exitúrus, quibúsdam discípulis secum conversántibus, quibúsdam longe manéntibus,
* Sanctíssimi sui óbitus denuntiávit diem.
V. Præséntibus indicens, ut audíta per siléntium tégerent: † abséntibus índicans, quod vel quale eis signum fíeret quando ejus ánima de córpore exíret.
R. Sanctíssimi sui óbitus denuntiávit diem.

[Lectio10]
In hac quippe vita pro ejus nómine laborántes, in ália præmium speráre dócuit, id est, in regeneratióne; cum vidélicet in vitam immortálem fuérimus resurgéndo regeneráti, qui in vitam cadúcam mortáliter erámus géniti. Et justa prorsus retribútio, ut, qui hic pro Christo humánæ glóriam celsitúdinis neglexérunt, illic a Christo júdices glorificáti singuláriter cum eo assídeant qui a sequéndis ejus vestígiis nulla ratióne póterant avélli.
	

[Responsory10]
R. Sexto namque die portári se in Oratórium a discípulis suis fecit, ibíque éxitum suum Domínicis sacraméntis munívit; 
* Atque inter discipulórum manus expirávit.
V. Cumque per síngulos dies languor ingravésceret, eréctis in cœlum mánibus stetit.
R. Atque inter discipulórum manus expirávit.

[Lectio11]
Nemo autem putet duódecim tantum Apóstolos, quia pro Juda prævaricánte Matthias eléctus est, tunc esse judicatúros: sicut nec duódecim solæ sunt tribus Israël judicándæ: alióquin tribus Levi, quæ tertiadécima est, injudicáta recédet. Et Paulus, qui tertiusdécimus est Apóstolus, judicándi sorte privábitur? cum ipse dicat: Nescítis quóniam ángelos judicábimus, quanto magis sæculária?
	

[Responsory11]
R. Via, recto oriéntis trámite ab ejus cella in cælum usque tendebátur; † cui venerándo hábitu vir désuper clarus assístens, cujus esset via, quam cérnerent, inquisívit:
* Illi autem se nescíre proféssi sunt.
V. Quibus ipse ait: † Hæc est via, qua diléctus Dómini Benedíctus cælos ascéndit.
R. Illi autem se nescíre proféssi sunt.

[Lectio12]
Sciéndum namque est, omnes, qui ad exémplum Apostolórum, sua reliquérunt ómnia et secúti sunt Christum, júdices cum eo ventúros, sicut étiam omne mortálium genus esse judicándum. Quia enim duodenário sæpe número solet in Scriptúris univérsitas designári, per duódecim sedes Apostolórum ómnium numerósitas judicántium, et, per duódecim tribus Israël, univérsitas eórum qui judicándi sunt, osténditur.

[Responsory12]
@CommuneCist/C5

[Ant Laudes]
Eléctus * a frátribus invítus obtínuit, quod sciénter scivit se illórum móribus conveníre non posse.
Cumque sibi conspícerent * illícita non licére, assuéta relínquere, conáti sunt de ejus morte tractáre.
Inito consílio, * venénum vino miscuére, quo obláto, signávit vas, sicque confráctum est, ac si pro signo lápidem dedísset.
Puer quidam párvulus * elephantíno morbo percússus, ad Dei hóminem est addúctus, prístina sanitáte recépta, incólumis remeávit ad própria.
Tantam grátiam * ei virtus divína contúlerat, ut sub uno solis rádio omnem mundum colléctum conspíceret.

[Capitulum Laudes]
!Eccl 45:1; 45:4
v. Diléctus Deo et homínibus, cujus memória in benedictióne est. Símilem illum fecit in glória Sanctórum.
$Deo gratias

[Hymnus Laudes]
v. Inter ætérnas súperum corónas,
Quas sacro partas rétinent agóne,
Emicas celsis méritis corúscus,
O Benedícte!
_
Sancta te compsit púerum senéctus,
Nil sibi de te rápuit volúptas,
Aruit mundi tibi flos, ad alta
Mente leváto.
_
Hinc fuga lapsus, pátriam, paréntes
Déseris, fervens némorum colónus;
Edomas carnem, subigísque Christo
Tortor acérbus.
_
Ne diu tutus látebras fovéres,
Digna te produnt óperum piórum;
Spárgitur felix céleri per orbem
Fama volátu.
_
Glória Patri genitǽque Proli,
Et tibi compar utriúsque semper,
Spíritus alme, Deus unus, omni
Témpore sæcli.
Amen.

[Ant 2]
Pater sanctus * dum inténtam oculórum áciem in splendóre corúscæ lucis habére, viderétur, vidit Germáni ánimam Capuáni Epíscopi, in sphæra ígnea ab Angelis in cælum deférri. Allelúia.

[Capitulum Sexta]
!Eccli. 47:8
v. Dedit confessiónem Sancto, et Excélso in verbo glóriæ. De omni corde suo laudávit Dóminum, et diléxit Deum qui fecit illum.
$Deo gratias

[Capitulum Nona]
@Commune/C5

[Ant Vespera 3]
Fuit vir * vitæ venerábilis, grátia Benedíctus et nómine.
Núrsiæ * província ortus, Romæ liberálibus litterárum stúdiis tráditus a paréntibus fúerat.
Relícta domo * rebúsque patris, soli Deo placére cúpiens, sanctæ conversatiónis hábitum quæsívit.
Recéssit ígitur * sciénter nésciens, et sapiénter indóctus.

[Ant 3]
Orábat sanctus Benedíctus: * Dómine, non aspícias peccáta mea, sed fidem hujus hóminis, qui rogat resuscitári fílium suum, et sub óculis ómnium vivéntem púerum réddidit patri suo. Allelúia.

[Evangelium]
@Commune/C5b
