@Sancti/04-04

[Rule]
vide C4a;mtv
3 lectiones

[Lectio1]
@CommuneCist/C4:Lectio1 in 3 loco

[Lectio2]
Isidórus natióne Hispánus, a sanctis Epíscopis Leándro Hispalénsi et Fulgéntio Carthaginénsi frátribus suis pie, et liberáliter educátus, omni scientiárum, atque Christianárum virtútum génere præstantíssimus evásit. Adoléscens hæresim Ariánam tanta constántia palam oppugnávit, ut parum abfúerit, quin ab hæréticis necarétur. Leándro vita functo, ad Hispalénsem cáthedram invítus, sed magno cleri populíque consénsu assúmitur, et a sancto Gregório Magno Apostólicæ Sedis in univérsa Hispánia Vicárius constitúitur. In Episcopátu quantum fúerit constans, húmilis, pátiens, miséricors, in Christiána et Ecclesiástica disciplína instauránda sollícitus, éaque verbo et scriptis stabiliénda indeféssus, atque demum omni virtútum ornaménto insignítus, nullíus lingua enarráre suffíceret. 

[Lectio3]
Monástici quoque institúti per Hispániam promótor et amplificátor exímius, plura constrúxit monastéria, collégia ítidem ædificávit, plúrimis ad eum confluéntibus discípulis, inter quos sanctus Ildefónsus Toletánus Epíscopus emícuit. Coácto Híspali Concílio, Acephalórum hæresim eloquénti disputatióne contrívit. Scripsit plures libros disciplínae Ecclesiásticæ ádeo útiles, ut sanctus Leo Papa quartus illos non dubitáverit Epíscopis Británniæ, instar librórum sanctórum Hierónymi et Augustíni commendáre. Dénique cum ab Hispánia Ariánam hæresim eliminásset, morte sua et regni vastatióne a Saracenórum armis públice prænuntiáta, postquam quadragínta círciter annos suam rexísset Ecclésiam, Híspali migrávit in cœlum, anno sexcentésimo trigésimo sexto, tantam apud omnes sanctitátis et doctrínae famam adéptus, ut elápso vix ab ejus óbitu sexto décimo anno, plaudénte Toletána Synodo, ipsóque sancto lldefónso suffragánte, Doctor egrégius, Cathólicæ Ecclésiæ novíssimum decus, et cum reveréntia nominándus, appellári merúerit.

[Responsory1]
@CommuneCist/C1p:Responsory11

[Responsory2]
@CommuneCist/C1p:Responsory12

[Responsory3]
@CommuneCist/C4:Responsory12

