[Officium]
S. Adalberti, Episcopi, Martyris et Patroni Bohemiæ (Propria Bohemiæ)

[Rank]
;;MM. maj.;;4;;ex C2

[Rule]
ex C2;
12 lectiones
in 1 Nocturno Lectiones ex Commune in 2 loco;

[Oratio]
Deus, qui beátum Adalbértum Mártyrem tuum, atque Pontíficem glória et honóre coronáre dignátus es: * præsta quǽsumus, ut quem salútis ætérnæ minístrum habúimus in terris, § intercessórem habére mereámur in cœlis.
$Per Dominum 

[Lectio5]
Adalbértus nobilíssimo génere in Bohémia ortus, cum gráviter adhuc infans ægrotáret, Beatissimæ Vírginis ope, cui illum parentes devóverant, ejúsdem aræ admótus mire conváluit. Missus Magdebúrgum ad liberáles hauriéndas disciplínas, cum præstáret ingénio, magnos in iísdem progréssus hábuit. Revérsus ad suos Ditmáro demórtuo, summo ómnium consénsu Episcopus Pragénsis creátur: quo in múnere, dum verbo et exémplo gregem pascit, omnes óptimi Antístitis partes implévit.
	
[Lectio6]
Non respóndit labóri fructus. Itaque eum se nihil proficere animadvérteret, Jerosólymam profectúrus Romam venit. Digréssus inde ad Cassinénse Monastérium longióris peregrinatiónis abjécto consilio beáti Nili mónitu ad Urbem rédiens ad sanctum Bonifácium Mónachus effícitur.
	
[Lectio7]
Quinquénnium ibi incredíbili pietáte ac religióne cum egísset, missa ad Summum Pontificem legatióne in Bohémiam revocátur. Jussus revérti páruit. Sed cum pópulus ab ingénio non recéderet, ad Monastérium, unde discésserat, migrávit. Nec diu quiéscere ibídem pótuit, Othóne tértio Romam adveniénte, cum Moguntínus Antístes illum repéteret, iterum discédere cógitur.
	
[Lectio8]
Sed rejéctus a suis, piis, quos próxime in Polónia, prius vero in Hungária fidei causa suscéperat, labóribus mínime conténtus, quod a Summo Pontifice impetráverat, ad Gentes, quæ Christum non nóverant lucrifaciéndas ánimas adjécit. Vix Prússiam vénerat cum male accéptus ab íncolis, mox ab iísdem est interémptus. Corpus a Bolesláo Bohémiæ Duce, æquáli auri póndere redémptum fuit. Quod demum Pragam translátum, ibídem religiosissime cólitur.

[Secreta]
Piæ devotiónis múnera, quæ in honóre Beáti Adalbérti, Mártyris tui atque Pontíficis, tuæ offérimus Majestáti, ætérna nos felicitáte dignos effíciant: ad quam ipse fuso pro te sánguine méruit perveníre.
$Per Dominum 

[Postcommunio]
In nobis quǽsumus Dómine, pretiósi córporis et sánguinis tui Sacraménto reféctis, ita per intercessiónem Beáti Adalbérti Mártyris tui píetas augeátur: ut in ætérna cum Sanctis tuis mereámur glória numerári.
$Per Dominum 
