@Sancti/05-02

[Rule]
vide C4a
3 lectiones

[Lectio2]
Athanásius Alexandrínus, ab Alexándro Epíscopo Diáconus factus, in ejus locum succéssit, quem étiam ántea secútus fúerat ad Nicaenum Concílium, ubi cum Aríi impietátem repressísset, tantum ódium Arianórum suscépit, ut ex eo témpore ei insídias molíri numquam destíterint. Quamóbrem in exílium actus, in Gállia apud Tréviros exulávit. Grávibus deínceps ac diutúrnis sub Constántio imperatóre, Arianórum fautóre, tempestátibus jactátus, et incredíbiles calamitátes perpéssus, magnam orbis terrae partem peragrávit: ac sæpe e sua Ecclésia ejéctus, sæpe étiam in eámdem restitútus est. 

[Lectio3]
Ariánis intérea illi semper inféstis, eórum pertinácem iram fúgiens, in sicca cistérna quinque annis se ábdidit, et Constántio mórtuo, Alexandríam revérsus, summo honóre excéptus est. Sed non multo post, a Juliáno apóstata exagitátus, rursus discédere cógitur, et ad necem conquísitus effúgit, atque Alexandríam rédiens, ibídem usque ad Juliáni óbitum occúltus permánsit. Alia exórta tempestáte, quátuor menses in patérno sepúlchro delítuit, ac dénique ex tot tantísque perículis divínitus eréptus, Alexandríæ mortuus est in suo léctulo, sub Valénte, cum quadragínta annos in summa témporum varietáte Alexandrínam Ecclésiam sanctíssime gubernásset. 

[Responsory1]
@CommuneCist/C5:Responsory4

[Responsory2]
@CommuneCist/C5:Responsory8

[Responsory3]
@CommuneCist/C4:Responsory12

