[Officium]
S. Sigismundi, Martyris et Patroni Regni Bohemiæ (Propria Bohemiæ)

[Rank]
;;MM. min.;;3;;ex C2

[Rule]
ex C2
Psalmi Dominica
12 lectiones

[Oratio]
Deus, qui Beátum Sigismúndum Regem utróque diadémate, temporáli scílicet et ætérno, cum desideráta palma honoráre dignátus es: * et ejus Relíquias ex profúndo gúrgite aquárum ad celebrándum fidélibus revelásti, § tríbue quǽsumus: * ut qui ejus mérita venerámur, § ipsíus intercessiónibus ab ómnibus protegámur advérsis.
$Per Dominum

[Lectio1]
@CommuneCist/C3

[Lectio2]
@CommuneCist/C3

[Lectio3]
@CommuneCist/C3

[Lectio4]
@CommuneCist/C3

[Lectio5]
Sigismúndus Burgúndiæ Rex, quam a Beáto Avíto Viennénsi Epíscopo pietátem háuserat, egrégie excóluit. Charitáte in páuperes, vitæ abstinéntia, demissióne ánimi, omni dénique virtútum genere, sed præsértim religióne in Deum, veneratióne in Sanctos illústris fuit. Inter cæteros Thebéos Mártyres, eorúmque Ducem Maurítium mirífice cóluit.
	
[Lectio6]
Quorum Agaunénse templum, ubi eórum sacra córpora servabántur, et Monastérium injúria Témporum pene desértum non modo restítuit, sed magnificéntius étiam extrúctum, Monachorúmque número auctum amplíssimis redítibus locupletávit. Ad horum Mártyrum túmulum cum frequénter accéderet, illud rogáre imprímis consuéverat, ut in eórum societátem, ipsis exorántibus a Deo reciperétur.

[Lectio7]
Hoc in templo dum preces fúnderet, mónitus ab Angelo divínitus est, ut quod cœléstium chori ipso audiénte mox erant factúri, Mónachos ad psalmos altérnis versículis decantándos hortarétur. Dénique Syágrii fílii necem, quam novércæ dolo atque impúlsu illi intúlerat, hoc eódem in loco, ad Sanctórum Mártyrum túmulum provolútus, ubérrime deflévit, veniámque a Dómìno ipsis deprecántibus impetrávit.	

[Lectio8]
Interim eum in Burgúndiam Franci irrupíssent: Sigismúndus una cum Gondemáro Fratre illis occúrrit. Fusus ab hóstibus, cum ad Agaunénse Monastérium quasi in ortum confugísset, prodéntibus suis in Chlodomíri potestátem venit. Abdúctus ejúsdem jussu in Gállias, atque in cárcerem primo conjéctus, mox étiam in púteum, una cum uxóre et líberis præceps est datus. Sacri córporis Reliquiæ post triénnium ad Agaunénse templum delátæ, in eódem jacuére, donec a Cárolo Quarto Cæsare Pragam advéctæ, gloriósum ibidem túmulum invenére.

[Secreta]
Per hæc múnera Dómine, quæ in honórem Sancti tibi humíliter offérimus, nos a peccátis ómnibus dignánter emúnda.
$Per Dominum

[Postcommunio]
Sacramentórum tuórum Dómine múnera vegetáti, tuam súpplices deprecámur cleméntiam, ut cujus solémnia temporáliter ágimus ejus méritis ad ætérna gáudia perveníre mereámur.
$Per Dominum
