[Officium]
S. Floriani, Martyris

[Rank]
;;MM. min.;;3;;ex C2

[Rule]
Psalmi Dominica
12 lectiones

[Oratio]
Deus, qui nos beáti Floriáni Mártyris tui gloriósi solemnitáte lætíficas, § concéde propítius: * ut cujus gloriósum victóriæ triúmphum pio amóre venerámur in terris, § ejus lætítiam adipísci te largiénte mereámur in cœlis.
$Per Dominum

[Lectio5]
Sæviénte Diocletiáni et Maximiáni Imperatórum in Christianórum sánguinem persecutióne, cum Aquilínus Nórici Repénsis Præses in eósdem Christi cultóres acérrime animadvérteret, et ad quadragínta nómine vinctos maléque tractátos in cárcerem conjecísset, Floriánus iísdem Religióne et milítiæ societáte hæc Lauréaci fíeri audívit.
	
[Lectio6]
Hic sancto fídei ardóre incénsus, ac sánguinem pro Christo profúndere cúpiens eódem ádvolat sicque ad excellentióris milítiæ corónam glorióso certámine conténdit. Videns ergo Christiános ad idolórum Sacrifícia perquíri, nihil truculentórum fídei hóstium immanitátem véritus, in médium se ultro profert, liberéque exclámat.	

[Lectio7]
Quem álium, ínquiens, quæritis? ecce ego Christiánus sum: ite, nuntiáte Præsidi, me hic adésse. Re ad Præsidem deláta, Floriánus vinctus addúcitur, ac de confessióne sua interrogátus, eum in eádem et inánium Deórum detestatióne firmíssime persísteret, fústibus dire cæditur, ferróque scápulæ ejus crudelíssime sauciántur, et confringúntur.
	
[Lectio8]
Tandem invíctus Christi Athléta, váriis tormentórum genéribus superátis, ob inconcússam fídei constántiam últimam mortis lætus éxcipit senténtiam. Ligáto ígitur ad collum ejus saxo e ponte in Anísum flúvium dejícitur. Non défuit Divina últio. Nam óculi ejus, qui injéctis violénter mánibus Mártyrem præcipitávit, mox crepuérunt.

