[Officium]
S. Petri, Episcopi et Confessoris

[Rank]
;;iij. Lect. et M.;;1.2;;vide C4

[Rule]
vide C4;mtv
3 lectiones

[Name]
Petri

[Lectio2]
Beátus Petrus in Viennénsi Diœcési, piis ádmodum paréntibus natus, piíssimus ipse ab ineúnte ætáte in monastério Bonævállis Ordinis Cisterciénsis sanctae conversatiónis hábitum suscépit: ubi cum se frátribus ómnium virtútum exémplar exhibuisset, ómnium consénsu novi monastérii Stamediénsis primus Abbas eléctus est. Quo in múnere mira prorsus non tantum erga suos fratres, sed étiam erga extérnos et peregrínos charitátis exémpla perhíbuit. Póstmodum a Tarentasiénsi Clero in Pastórem expetítus, totíus Ordinis, máxime vero sancti Patris nostri Bernárdi hortátu istud Archiepiscopále munus súbiit: cum tanta tamen in victu et vestítu parcitáte, ut non minus vitæ austeritáte, quam múneris auctoritáte, fratres suos Mónachos antecéderet, tantáque erat erga páuperes liberalitáte et charitáte, ut sua sæpe cibária, étiam iter fáciens, paupéribus erogáret. 

[Lectio3]
Urgébat ádmodum sanctíssimum Pastórem Christi cháritas, ita ut nullam horæ mórulam labi síneret, in qua de reformatióne suæ Diœcésis, quæ prædecessóris incúria pessum íerat, non cogitáret: quo factum est, ut brevi Tarentasiénsis Ecclésia avítæ pietátis splendórem recuperáverit. Et, ut ipsíus voci vocem virtútis Dóminus ádderet, effécit, ut vitæ ipsíus sanctimóniam miraculórum grátia comitarétur. Sed mundi glóriam pertiméscens, cum ad quoddam Germániæ prædícti Ordinis Cisterciénsis monastérium ignótus divertísset, ibi miraculóse detéctus est: sicque ad suam sedem cum summa pópuli devotióne et exultatióne redúctus est. Tandem summa in veneratióne a summis princípibus, imperatóre nempe Frederíco, et rege Gálliæ Ludovíco Junióre hábitus, cum annos septuagínta tres complevísset, in médio fratrum psalléntium, et orántium ánimam Deo réddidit. 

[Responsory1]
@CommuneCist/C5:Responsory4

[Responsory2]
@CommuneCist/C5:Responsory8

[Responsory3]
@CommuneCist/C4:Responsory12
