@Sancti/05-25

[Rule]
vide C4b;
3 lectiones

[Lectio1]
@CommuneCist/C4:Lectio1 in 3 loco

[Lectio2]
Gregórius Papa séptimus ántea Hildebrándus‚ Soánæ in Hetrúria natus ténera adhuc ætáte Romam proféctus‚ sub protectióne sancti Petri educátus est. Júvenis Ecclésiæ libertátem a láicis oppréssam, ac depravátos Ecclesiasticórum mores veheméntius dolens, in Cluniacénsi monastério hábitum regulárem índuit, tantóque pietátis ardóre divínæ Majestáti servívit, ut a sanctis ejúsdem cœnóbii pátribus Prior fúerit eléctus. Divina Providéntia majóra de eo disponénte, Cluníaco edúctus, Abbas primum sancti Pauli extra muros Urbis eléctus, ac póstmodum Románæ Ecclésiæ Cardinális creátus, sub quinque vicissim Summis Pontifícibus præcípua múnera et legatiónes cum laude magna, et strénua virtúte implévit‚ vir sanctíssimi ac puríssimi consílii a beáto Petro Damiáno nuncupáns. Mórtuo Alexándro secúndo, invítus et mœrens unánimi ómnium consénsu Summus Póntifex eléctus, sicut sol effúlsit in Domo Dei; nam potens ópere et sermóne, Ecclesiásticæ disciplínæ reparándæ, fídei propagándæ, libertáti Ecclesiásticæ restituéndæ, tanto stúdio incúbuit, ut ex Apostolórum ætáte nullus Pontíficum fuísse tradátur, qui majóres pro Ecclésia Dei labóres molestiásque pertúlerit‚ aut qui pro ejus libertáte ácrius pugnáverit.

[Lectio3]
Dum Missárum solémnia perágeret, visa est colúmba e cœlo delápsa, alis expánsis, caput ejus veláre; quo significabátur ipsum Spíritus sancti afflátu, non humánæ prudéntiæ consíliis Ecclésiam gubernáre. Cum ab exércitu imperatóris Henríci‚ quem in profúndum malórum prolápsum‚ fidélium communióne regnóque priváverat, Romæ gravi obsidióne premerétur, excitátum ab hóstibus incéndium, signo Crucis extínxit. De ejus manu tandem liberátus, Cassínum et inde Salérnum se cóntulit, ubi cum aliquándo sermónem habuísset ad pópulum ærúmnis conféctus in morbum íncidit, quo se interitúrum præscívit. Postréma Gregórii moriéntis verba fuére: Diléxi justítiam et odívi iniquitátem, proptérea mórior in exílio. Innumerabília sunt quæ vel fórtiter sustínuit, vel in Synodis sapiénter constítuit, vir vere sanctus‚ críminum vindex, et acérrimus Ecclésiæ defénsor. Exáctis itaque in Pontificátu annis duódecim, migrávit in cœlum, anno salútis millésimo octogésimo quinto, plúrimis in vita et post mortem miráculis carus.

[Responsory1]
@CommuneCist/C4:Responsory2
(sed tempore paschali)
@CommuneCist/C5:Responsory4

[Responsory2]
@CommuneCist/C4:Responsory5
(sed tempore paschali)
@CommuneCist/C5:Responsory8

[Responsory3]
@CommuneCist/C4:Responsory8
(sed tempore paschali)
@CommuneCist/C4:Responsory12
