[Officium]
S. Lutgardis, Virginis

[Rank]
;;iij. Lect. et M.;;1.2;;vide C6

[Rule]
3 lectiones

[Oratio]
@Commune/C7a::s/N\./Lutgárdis, Vírginis tuæ,/

[Lectio2]
Lutgárdis virgo Brabantína‚ duódecim annos nata, Moniálibus sancti Benedícti educánda tráditur. Ibi cum adolevísset, et instántibus procis in matrimónium propendéret, Christi vulneráti præséntia ita fuit sauciáta‚ ut spretis mundi illécebris, solíus cœléstis Sponsi núptias ambíerit. Contemplatióni deínceps addícta, religiónis forma facta est, prophetía étiam illústris‚ et miráculis clara. Deíparæ Vírginis ac sanctæ Catharínæ roboráta collóquio, Christi crucifíxi constrícta bráchio, vivíficum latus exúgit, cor mútuans corde. Cœlésti mónitu, Cisterciénsem Ordinem Mariæ felícem patrocínio, multis exémplo futúra, ingréditur; ac brevi undequáque expetíta in Abbatíssam, honórem ábnuit, id óbtinens a patróna singulári, ut idióma Gállicum nusquam edíscere potúerit; unde céteris inútilis facta, própriis studéret increméntis.

[Lectio3]
Grassánte in Gallia Albigénsium hæresi, jejúnium septénnii, quo solo pane et zytho vitam sustentábat, Deum placatúra, suscépit semel ac íterum. Animábus in purgatório geméntibus fuit auxílio, dæmónibus terróri, quos verbi Dei fúlgure longe a se abigébat. Certátim in ea fervébant virtútes, sed profúnda potíssimum humílitas et perfécta cháritas, qua urénte, ad Agnétis martyrium suspirávit. Plura confécit mirácula, sanans infírmos, male vivéntes convértens, desperátos in spem véniæ cómmovens. Undecim vero annis orbáta lúmine, patiéntiæ spécimen dedit, ac moriénti tandem Christus ástitit, quarto Idus Júnii anno millésimo ducentésimo quadragésimo sexto, ætátis sexagésimo quarto.

[Responsory3]
@CommuneCist/C6:Responsory12
