@SanctiCist/07-16C

[Officium]
In Octava S. P. N. Stephani, Abbatis

[Rank]
;;Semiduplex;;2.3;;ex C5b

[Rule]
ex C5b;mtv
Psalmi Dominica
12 lectiones
in 1 Nocturno Lectiones ex Commune in 2 loco;
in 3 Nocturno Lectiones ex Commune in 3 loco;

[Lectio5]
Ex Homilia 59. quæ est 2. de sancto Eusebio.
!De Breviario
Beáti Patris Stéphani mérita jam in tuto pósita secúri magnificémus: qui gubernáculum fídei viríliter tenens, ánchoram spei tranquílla jam in statióne compósuit, et plenam cœléstibus divítiis et ætérnis mércibus navem optáto in líttore collocávit: qui contra omnes adversários scutum timóris Dei támdiu infatigabiliter ténuit, donec ad victóriam perveníret.

[Lectio6]
Quid enim fuit totus vitæ illíus cursus, nisi uníus cum vígili hoste conflictus? Quantis hic cæcis a via veritátis errántibus, et de summa jam in profúndum rupe pendéntibus, amíssum réddidit visum, et illum, quo Christus viderétur, rarávit intúitum?

[Lectio7]
Quantórum áuribus surdis, et infidelitátis obturatióne damnátis, ad percipiéndam vocem cœléstium mandatórum, pretiósum infúdit audítum, ut vocánti Deo ad misericórdiam respondérent per obediéntiam? Quantos intrínsecus vulnerátos, Angélici oris arte et oratiónum, ab infirmitáte curávit?

[Lectio8]
Quantos per longam incúriam peccáti labe resolútos, et quadam lepræ contagióne perfúsos, castigatiónibus et exhortatiónibus expiándo, Deo in se operánte mundávit? Quantórum ánimas vivéntes in córpore jam defúnctas, delictórum mole óbrutas ac sepúltas, ad emendatiónem tamquam ad lucem vocándo, Deo resuscitávit ; ut Dómini sui admirándus imitátor, jam mórtuas Deo, e contrário mortíficet vitáli morte peccáto?
