[Officium]
Susceptio S. Coronæ

[Rank]
;;Duplex I classis;;4.2;;ex C2

[Rule]
ex C2;
Psalmi Dominica
12 lectiones
Antiphonas horas

[Ant Vespera]
De torrénte * in via bibet, proptérea exaltábit caput, et regnábit indútus decórem, et fortitúdinem.
Requiévit * super eum spíritus timóris Dómini, coróna sapiéntiæ, et exultatiónis decorávit illum.
Induit * eum Dóminus vestiméntis salútis, et induménto justítiæ, quasi sponsum decorátum coróna.
Cinxérunt David * in modum corónæ Saül et viri ejus.
Rex ætérnæ glóriæ * pro nobis coronátus, benedícet corónæ anni benignitátis suæ.

[Hymnus Vespera]
v. Exíte Sion fíliæ,
Regis pudícæ vírgines,
Christi Corónam cérnite,
Quam mater ipsa téxuit.
_
Horret revúlsis crínibus,
Spinis cruentátum caput,
Et vultus ille décolor
Mortem propínquam réspicit.
_
Quæ terra sulcis ínvia
Dumis rigens et séntibus
Lúgubre munus prótulit,
Quæ sæva méssuit manus?
_
Christi rubéscens Sánguine
Acúleos mutat rosis,
Palmámque vincens frúctibus,
Spin[a] est triúmphis áptior.
_
Culpis satæ mortálium
Te, Christe, spinæ vúlnerant,
Evélle nostras córdibus,
Tuósque nostris ínsere.
_
Virtus, honor, laus, glória
Deo Patri et Fílio,
Sancto simul Paráclito,
In sæculórum sǽcula. Amen

[Versum 1]
V. Plecténtes Corónam de spinis.
R. Posuérunt super caput ejus.

[Ant 1]
Egredímini * et vidéte fíliæ Sion regem Salomónem in diadémate, quo coronávit eum mater sua, parans crucem Salvatóri suo.

[Oratio]
Præsta quǽsumus omnípotens Deus: * ut qui in memóriam Passiónis Dómini nostri Jesu Christi Corónam ejus spíneam venerámur in terris, § ab ipso glória et honóre coronári mereámur in cœlis.
$Qui tecum

[Ant Laudes]
@:Ant Vespera

[Capitulum Laudes]
!Cant. 3.
v. Egredímini et vidéte fíliæ Sion regem Salomónem in diadémate, * quo coronávit eum mater sua.
$Deo gratias

[Responsory Laudes]
R.br. Tuam Corónam * Adorámus, Dómine.
R. Tuam Corónam * Adorámus, Dómine.
V. Tuam gloriósam recólimus passiónem.
R. Adorámus, Dómine.

[Hymnus Laudes]
v. Legis figúris píngitur
Christi Coróna nóbilis:
Impléxa spinis víctima,
Ardénsque testátur Rubus.
_
Arcam Coróna cínxerat,
Mensǽque sacrum círculum,
Arámque thure fúmidam
Coróna nectit ámbiens.
_
Christi dolórum cónscia,
Salve Coróna glóriæ,
Gemmis et auro púlchrior,
Vincens Corónas síderum.
_
Virtus, honor, laus, glória
Deo Patri et Fílio,
Sancto simul Paráclito,
In sæculórum sǽcula.
Amen.

[Versum 2]
@:Versum 1

[Ant 2]
Exívit Jesus * portans spíneam Corónam, et purpúreum vestiméntum.

[Capitulum Sexta]
!Apoc. 6.
v. Vidi: et ecce equus albus, § et qui sedébat super illum habébat arcum, * et data est ei coróna, § et exívit vincens ut vínceret.
$Deo gratias

[Capitulum Nona]
!Isaiae 28.
v. In illa die erit Dóminus exercítuum coróna glóriæ, * et sertum exaltatiónis resíduo pópuli sui.
$Deo gratias

[Responsory NonaM]
V. Coróna áurea super caput ejus.
R. Expréssa signo sanctitátis.

[Versum 3]
@:Versum 1

[Ant 3]
Et genu flexo * ante eum, illudébant ei, dicéntes: Ave Rex Judæórum: et expuéntes in eum accepérunt arúndinem, et percutiébant caput ejus.
