@Sancti/08-20

[Officium]
S. Bernardi, Abbatis, et Ecclesiæ Doctoris

[Rank]
;;Serm. maj.;;6;;ex C5a

[Rule]
12 lectiones
Psalmi Dominica
Antiphonas horas

[Name]
Bernárdi

[Ant Vespera]
Beátus Bernárdus * ab infántia spíritum sortítus est bonum, per quem erat puer docílis, et amábilis valde. 
In disciplína morum * profectúque virtútum super docéntes se in brevi enítuit unctióne magístra. 
Crescénte ætáte * crescébat simul sapiéntia, et grátia apud Deum, et hómines. 
Hódie, * pósito córpore, Pater sanctus, dives méritis penetrávit in sancta, símilis factus in glória Sanctórum.

[Responsory Vespera 1]
R. Beátus Bernárdus quasi vas auri sólidum, ornátum omni lápide pretióso, fluénta grátiæ propinávit in pópulo: 
* Et accépit stolam glóriæ in consummatióne virtútis. 
V. Factus est quasi ignis effúlgens, et quasi thus rédolens in diébus æstátis:
R. Et accépit stolam glóriæ in consummatióne virtútis. 

[Hymnus Vespera]
Bernárdus Doctor ínclytus
Cælos conscéndit hodie:
Quem attráxit divinitus 
Splendor paternæ glóriæ.
/:<i>Splendor patérnæ glóriæ:</i> Hymnus ad Laudes Dominicales, quando noctes longiores.:/
_
Exúltet cælum laudibus 
De Bernárdi consórtio: 
Quem conjúngis cæléstibus, 
Jesu nostra redémptio. 
/:<i>Exúltet cœlum laudibus:</i> Hymnus ad Vesperas Apostolorum. <i>Jesu nostra redémptio.</i> Hymnus ad Ascensionem Domini.:/
_
Rufum dorso per cátulum 
Præfigurásti púerum 
Fore Doctórem sédulum, 
Cónditor alme síderum. 
/:<i>Cónditor alme síderum.</i> Hymnus ad Vesperas Adventus.:/
_
Nascéntis ei cláruit 
Clara Christi natívitas 
Hoc a te donum hábuit, 
O lux beáta Trínitas! 
/:<i>O lux beáta Trínitas.</i> Hymnus ad SS. Trinitatem, qui quoque in Sabbatis “viridibus” canitur.:/
_
Arcána sacræ páginæ 
Declárat, et mystérium 
Quod effécit in Vírgine 
Deus Creátor ómnium. 
/:<i>Deus Creátor ómnium.</i> Hymnus ad Vesperas Dominicales, quando noctes longiores.:/
_
Rore perfúsum grátiæ 
Monstrat dulcor elóquii: 
Per te fons sapiéntiæ, 
Summi largítor præmii. 
/:<i>Summi largítor præmii.</i> Hymnus ad Vigilias Quadragesimæ.:/
_
Deténtos a dæmónibus 
Sanat, morbos languéntium 
Curat, confert doléntibus 
Magnum salútis gaudium. 
/:<i>Magnum salútis gaudium.</i> Hymnus ad Processionem Dominicæ Palmarum.:/
_
Vita vivit felíciter 
Cum María Christífera, 
Cum qua degustat dúlciter 
Ætérna Christi múnera. 
/:<i>Ætérna Christi múnera.</i> Hymnus ad Vigilias Apostolorum.:/
_
Summæ Deus potentiæ, 
Tibi sit laus at glória: 
Da post cursum misériæ 
Beáta nobis gáudia. 
Amen. 
/:<i>Beáta nobis gáudia.</i> Hymnus ad Laudes Pentecostes.:/

[Versum 1]
V. Ora pro nobis beáte Bernárde.
R. Ut digni efficiámur promissiónibus Christi.

[Ant 1]
Magnificávit * Sanctum suum Dóminus, et dedit illi sciéntiam Sanctórum, ut consummaréntur in bonum ópera ejus, et pax Dei super eum in ætérnum.

[Oratio]
Pérfice, quæsumus Dómine, pium in nobis sanctæ religiónis afféctum: * et ad obtinéndam tuæ grátiæ largitátem, § beátus Bernárdus, Abbas et Doctor egrégius, suis apud te semper pro nobis méritis et précibus intercédat.
$Per Dominum

[Invit]
In confessióne laudis adorémus Dóminum, * Qui stola glóriæ Confessórem suum decorávit Bernárdum.

[Hymnus Matutinum]
v. Bernárdus ínclytis ortus natálibus,
Præclárus méritis, cum claris frátribus
Fugit in abditis, patérnis ópibus
Spretis, et mundi flósculo.
_
Latrátor strénuus , sanctus ex útero,
Doctor præcipuus néctare súpero:
Vigil assíduus, sub salutífero
Monstrátur matri cátulo.
_
Tardant Vigíliæ, dormit ad óstium.
Mox venter Maríæ prodúcit Fílium.
Laudis homíliæ próvocant stúdium.
Dat puer nummos clánculo.
_
Pulsánte fœmina, latrónes clámitat:
Defíxa lúmina stagno præcipitat:
Abhorret cármina, luxum suppéditat,
Jactæ cedit in léctulo.
_
Sit laus Ingénito, decus et glória,
Ab Unigénito sit reis vénia:
Nobis Paráclito præstánte gáudia,
In infiníto sæculo. 
Amen

[Ant Matutinum]
Viæ viri sancti * viæ pulchræ, et omnes sémitæ ejus pacíficæ, quia lignum vitæ apprehéndit.;;1
Sémitas justítiæ * viásque Sanctórum custódiens Vir beátus, cursum vitæ in pace consummávit.;;2
Benedíctio Dómini * super caput justi, memória ejus in sæcula sæculórum.;;4
Consúrgens * dilúculo quæsívit bona Pater sanctus, quasi florens lílium germinávit.;;5
In testaméntis pacis * stetit semen illíus, et usque in ætérnum pérmanet glória ejus.;;8
Exaltávit Dóminus * in ætérnum cornu Christi sui, et dedit illi testaméntum vitæ, et sedem glóriæ suæ.;;10
Quasi olíva * púllulans, et cypréssus in altitúdine se tollens: sic Vir beátus ad glóriam sanctitátis ascéndit.;;14
Porréxit * manum suam Vir sanctus in libatiónem Altáris, et de sánguine uvæ effúdit odórem divínum excélso Príncipi.;;20
Ampliávit * gentem suam vir justus, adéptus glóriam in conversatióne ejus.;;23
Honorávit * Deum Vir sanctus in opéribus suis, et in oblectatióne suscéptus est ab eo.;;63
Extulit * manus suas Pater venerábilis dare glóriam Deo a lábiis suis, et in nómine ipsíus gloriári.;;64
Dedit Dóminus * Sancto suo jucunditátem cordis, fíeri pacem diébus suis in pópulo Dei.;;91
Replévit * Sanctum suum Dóminus spíritu intelligéntiæ, et ipse fluénta doctrínæ ministrávit pópulo Dei.;;256;257;258

[Responsory1]
R. Prima virtus viri sancti, hábitus córporis sui, quod ita compósite, et uno semper modo agébat: 
* Ut nil apparéret in eo , quod posset offéndere intuéntes.
V. Totum in eo disciplinátum, totum insígne virtútis, perfectiónis forma.
R. Ut nil apparéret in eo , quod posset offéndere intuéntes.

[Responsory2]
R. Virtúte multa, et sciéntia præditus Sanctus Dei proximábat dignitáti Sanctórum, 
* Cum fructu óperum próferens cœléstis sapiéntiæ verba.
V. A puerítia requisívit Auctórem vitæ , et ánimum dedit ad elóquia Dei:
R. Cum fructu óperum próferens cœléstis sapiéntiæ verba.

[Responsory3]
R. Opera sancti Patris velut sol in conspéctu Dei : 
* Et óculi ejus sine intermissióne respiciébant in vias ejus.
V. Non sunt abscóndita ab eo testaménta Dei:
R. Et óculi ejus sine intermissióne respiciébant in vias ejus.

[Responsory4]
R. In timóre Dei , Patris sancti gloriátio , et in sensu ejus cogitátus Dei:
* Et omnis narrátio ejus in præcéptis Altíssimi.
V. Pastor pópuli Dei factus est in sapiéntia sermónis sacri.
R. Et omnis narrátio ejus in præcéptis Altíssimi.
&Gloria
R. Et omnis narrátio ejus in præcéptis Altíssimi.

[Lectio5]
Bernárdus Fontánis in Burgúndia nóbili loco natus, adoléscens propter egrégiam formam veheménter sollicitátus a muliéribus, numquam de senténtia coléndæ castitátis dimovéri pótuit. Duos et vigínti círciter annos natus, Monastérium Cisterciénse ingrédi constítuit. Quem fratres summópere conáti sunt a propósito deterrére: in quo ipse eloquéntior ac felícior suit. Nam sic eos aliósque multos in suam perdúxít senténtiam‚ ut cum eo plusquam trigínta sócii eamdem Religiónem suscéperint.
	
[Lectio6]
Monástico hábitu suscépto, in jejúniis, vigíliis et oratiónibus mirífice se exercébat: et Christiánam paupertátem colens, quasi cœléstem vitam agébat in terris, ab omni caducárum rerum cura et cupiditáte aliénam. Elucébat in eo mira humílitas, ineffábilis misericórdia, summa benígnitas. Contemplatióni autem sic addíctus erat, ut vix sénsibus, nisi ad offícia pietátis, uterétur: in quibus tamen prudéntiæ laude excellébat.

[Lectio7]
Quo in stúdio occupátus, ad ædificándum Clarævallénse Cœnóbium, cum nonnúllis Mónachis míttitur, eísque Abbas præfícitur. Multis áliis in locis ædificávit Monastéria. Genuénsem ac Mediolanénsem, aliísque Episcopátus oblátos recusávit, proféssus se tanti offícii múnere indígnum esse. Multa stilo prorsus incomparábili scripsit‚ in quibus appáret, eum doctrína pótius divinítus trádita, quam labóre comparáta, instrúctum fuísse.
	
[Lectio8]
In summa virtútum laude exorátus a máximís princípibus de eórum componéndis controvérsiis, et de Ecclesiásticis rebus constituéndis, sæpius in Itáliam venit. Innocéntium secúndum Pontíficem Máximum in confutándo schísmate Petri Leónis, tum apud Imperatórem, et Henrícum Angliæ regem, tum in Concílio Pisis coácto, egrégie adjúvít. Dénique tres et sexagínta annos natus obdormívit in Dómino, ac miráculis illústris, ab Alexándro tértio Papa inter Sanctos relátus est. Pius vero octávus Póntifex Máximus ex Sacrórum Rítuum Congregatiónis consílio sanctum Bernárdum universális Ecclésiæ Doctórem declarávit‚ et confirmávit, nec non Missam, et Offícium de Doctóribus ab ómnibus recitári jussit, atque indulgéntias Plenárias quotánnis in perpétuum Ordinis Cisterciénsium ecclésias visitántibus die hujus Sancti festo concéssit.

[Responsory5]
R. O odoríferum lílium spargens ubíque vivíficum suavitátis odórem:
* Cujus apud nos memória in benedictióne, apud súperos præséntia in honóre.
V. Fac canéntes te tantæ plenitúdinis particípio non privári: 
R. Cujus apud nos memória in benedictióne, apud súperos præséntia in honóre.

[Responsory6]
R. Accépit vir sanctus a Dómino potestatem in præcéptis, testimónia veritátis docére súbditos:
* Et in lege Dei lucem dare pópulo.
V. Addidit ei glóriam Dóminus, hæreditátem pacis possidére in ætérnum:
R. Et in lege Dei lucem dare pópulo.

[Responsory7]
R. Lex veritátis in ore Patris sancti:
* Et iníquitas non est invénta in lábiis ejus.
V. In pace et æquitáte ambulávit coram Deo:
R. Et iníquitas non est invénta in lábiis ejus.

[Responsory8]
R. Testamentum ætérnum cum beáto Patre Bernárdo constítuit Dóminus:
* Et justítiam, ac judícia sua osténdit illi.
V. Magnália honóris Dei vidit óculus ejus:
R. Et justítiam, ac judícia sua osténdit illi.
&Gloria
R. Et justítiam, ac judícia sua osténdit illi.

[Lectio9]
Léctio sancti Evangélii secúndum Matthæum. 
!Matt 5:13-19
In illo témpore: Dixit Jesus discípulis suis: Vos estis sal terræ. Quod si sal evanúerit, in quo saliétur? Et réliqua.
_
Homilía sancti Bernárdi Abbatis.
!Serm. 85. in Cantica.
Forte sapiéntia a sapóre denominátur, quod virtúti accédens quoddam véluti condiméntum, sápidam reddat, quæ per se insúlsa quodámmodo et áspera sentiebátur. Nec dúxerim reprehendéndum, si quis sapiéntiam sapórem boni defíniat. Hunc sapórem perdídimus ab ipso pene exórtu géneris nostri. Ex quo cordis palátum sensu carnis prævalénte infécit virus serpéntis antíqui, cœpit ánimæ non sápere bonum, ac sapor nóxius subintráre.
	
[Lectio10]
Nunc assídue sapiéntia vincit malítiam in méntibus‚ ad quas intráverit, sapórem mali, quem illa invéxit‚ sapóre extérminans melióri, intrans sapiéntia‚ dum sensum carnis infátuat, puríficat intelléctum, cordis palátum sanat et réparat. Sano paláto sapit jam bonum, sapit ipsa sapiéntia, qua in bonis nullum mélius.
	
[Lectio11]
Quam multa fiunt bona, et non sápiunt faciéntibus! Síquidem non sapóre boni ad illa, sed aut ratióne, aut qualicúmque occasióne‚ seu necessitáte impellúntur: et e contrário multis, quæ fáciunt, non sápiunt mala, sed ad hæc inducúntur, aut metu, aut cupiditáte rei cujúspiam pótius, quam sapóre mali. Qui autem transiérunt in afféctum cordis, aut sapiéntes sunt, et ipso delectántur sapóre boni: aut malígni sunt, et in ipsa cómplacent sibi malítia, étiam nulla spe altérius cómmodi blandiénte.

[Lectio12]
Malítia vero quid, nisi sapor est mali? Beáta mens, quam sibi totam vindicávit sapor boni, et ódium mali. Hoc reformári ad sapiéntiam est, hoc sapiéntiæ victóriam felíciter experíri. Nam in quo evidéntius sapiéntia víncere malítiam comprobátur, quam cum exclúso sapóre mali, qui non aliud quam ipsa malítia est, boni quidam íntimus sapor mentis íntima occupáre tota suavitáte sentítur?

[Responsory9]
R. O olíva fructífera in domo Dei! o óleum lætítiæ fovens benefíciis, corúscans miráculis!
* Fac nos ejus, qua frúeris lucis, suavitatísque partícipes.
V. Introísti in poténtias Dómini, et jam poténtior ad impetrándum.
R. Fac nos ejus, qua frúeris lucis, suavitatísque partícipes.

[Responsory10]
R. Beátus Bernárdus quasi vas auri sólidum, ornátum omni lápide pretióso, fluénta grátiæ propinávit in pópulo: 
* Et accépit stolam glóriæ in consummatióne virtútis. 
V. Factus est quasi ignis effúlgens, et quasi thus rédolens in diébus æstátis:
R. Et accépit stolam glóriæ in consummatióne virtútis. 

[Responsory11]
R. Habébat Pater venerábilis in sapiéntia doctrínæ claritátem ad turbas:
* Et fácies príncipum admirabántur eum.
V. In vultu poténtium amábilis erat , et memóriam sui relíquit pósteris in benedictióne:
R. Et fácies príncipum admirabántur eum.

[Responsory12]
R. Dedit confessiónem Sancto, et Excélso in verbo glóriæ. De omni corde laudávit Dóminum,
* Et diléxit Deum, qui fecit illum.
V. Dedit decus in celebratióne óperis sancti, et ornávit témpora sua usque in finem:
R. Et diléxit Deum, qui fecit illum.
&Gloria
R. Et diléxit Deum, qui fecit illum.

[Ant Laudes]
Domum tuam, * Dómine, decet sanctitúdo, in qua tantæ frequentátur memória sanctitátis. 
@:Ant Vespera

[Capitulum Laudes]
@SanctiCist/03-21C

[Hymnus Laudes]
Intrat Cistércium cum tricenário, 
Fratris connúbium solvit relígio: 
Gerárdus hóstium perfóssus gládio 
Liber exit cum vínculo. 
_
Jussu Pontíficis óbedit rústico: 
Oleum cálicis bibit pro thético: 
Stat in verídicis corde prophético, 
Rastrum coæquat ánnulo. 
_
Scribit epistolam in imbris médio, 
Muscæ parábolam affert extínctio: 
Fœminam díscolam plenam dæmónio 
Curat crucis signáculo. 
_
Maríæ cíthara, Scriptúras éxplicat, 
Spóliat tártara, functos vivíficat: 
Necnon gens bárbara hunc sanctum prædicat 
Ore, stylo, miráculo.
_
Sit laus Ingénito, decus et glória, 
Ab Unigénito sit reis vénia: 
Nobis Paráclito, præstánte gáudia, 
In infiníto sæculo. 
Amen. 

[Versum 2]
@:Versum 1

[Ant 2]
Benedíctus * Dóminus Deus Patris nostri, qui ejus doctrína et exémplo ædificávit Ecclésiam suam: ejus felíci assumptióne supérnam lætificávit civitátem suam: ejus solémni recordatióne præséntem hódie consolátur famíliam suam.

[Capitulum Tertia]
@SanctiCist/03-21C

[Capitulum Sexta]
@SanctiCist/03-21C

[Capitulum Nona]
@CommuneCist/C5:Capitulum Sexta

[Ant Vespera 3]
Viæ Viri sancti * viæ pulchræ et omnes sémitæ ejus pacíficæ quia lignum vitæ apprehéndit.
Sémitas justítiæ * viásque Sanctórum custódiens Vir beátus, cursum vitæ in pace consummávit.
Benedíctio Dómini * super caput justi, memória ejus in sǽcula sæculórum.
Consúrgens * dilúculo quæsívit bona Pater sanctus, quasi florens lílium germinávit.

[Versum 3]
@:Versum 1

[Ant 3]
Exsúltet * in Dómino spíritus Viri sancti, quod mole levátus corpórea totus pergit in Deum, et adhǽrens illi unus fit cum eo spíritus in ætérnum.
