@Sancti/07-19

[Officium]
S. Vincentii a Paulo, Confessoris

[Rank]
;;Simplex;;1.1;;vide C5
(sed rubrica cisterciensis)
;;Simplex;;1.2;;vide C5-1

[Rule] (rubrica cisterciensis)
vide C5-1;mtv
3 lectiones;

[Lectio1] (rubrica cisterciensis)
@CommuneCist/C5:Lectio1 in 2 loco

[Lectio2] (rubrica cisterciensis)
Vincéntius a Paulo, natióne Gallus, Pódii non procul ab Aquis Tarbéllis in Aquitánia natus, jam tum a púero exímiam in páuperes charitátem præ se tulit. A custódia patérni gregis ad lítteras vocátus, et póstea sacerdótio insignítus, in Turcas incídit, qui captívum in Africam abduxérunt. Sed cum herum ipsum Christo lucrifecísset, ex bárbaris oris una cum eo, opitulánte Deípara se prorípiens, ad Apostólica límina iter instítuit; unde in Gálliam revérsus, animárum ministério indeféssus incúbuit. Primárius sacrórum miníster in Gálliæ trirémibus renuntiátus a rege, mirum quo zelo et ducum et rémigum salúti óperam posúerit. Moniálibus Visitatiónis a sancto Francísco Salésio præpósitus, tanta prudéntia per annos círciter quadragínta eam curam sustínuit, ut máxime comprobáverit judícium sanctíssimi Præsulis, qui sacerdótem Vincéntio digniórem nullum se nosse fatebátur. Evangelizándis paupéribus, præsértim rurícolis, tum se, tum alúmnos Congregatiónis, quam sub nómine Presbyterórum Missiónis instítuit, perpétuo voto obstrínxit. Quantum autem augéndæ Cleri disciplínæ, et quantum amplificándæ fídei et pietáti allaboráverit‚ testántur, inter ália, erécta majórum Clericórum seminária, et multi verbi Dei præcónes non ad solas Gálliæ et Európæ províncias missi, sed et usque ad Bárbaros et Indos.

[Lectio3] (rubrica cisterciensis)
Nullum fuit calamitátis genus, cui patérne non occúrrerit. Fidéles sub Turcárum jugo geméntes‚ infántes expósitos, vírgines periclitántes‚ moniáles dispérsas, ad trirémes damnátos, peregrínos infírmos, artífices inválidos, ipsósque mente captos, ac innúmeros mendícos subsídiis et hospítiis etiámnum superstítibus excépit ac pie fovit. Divérsas províncias peste, fame bellóque vastátas prolíxe refécit. Plúrima ad perquiréndos et sublevándos míseros sodalítia fundávit‚ inter quæ célebris matronárum cœtus, et late diffúsa sub nómine Charitátis puellárum Socíetas. Ipse vero hæc inter et ália gravíssima negótia, Deo júgiter inténtus, cunctis affábilis, ac sibi semper constans, simplex, rectus, húmilis, ab honóribus, divítiis ac delíciis semper abhórruit. Demum labóribus et sénio conféctus, anno supra millésimum sexcentésimo sexagésimo, ætátis suæ octogésimo quinto, Parísiis in domo sancti Lázari‚ quæ caput est Congregatiónis Missiónis, plácide obdormívit. Quem virtútibus, méritis ac miráculis clarum Clemens duodécimus inter Sanctos rétulit.
