[Officium]
S. Catharinæ Senensis Virginis O. P.

[Rank]
;;Duplex;;5;;vide C6a

[Invit]
Christum, Regem regum, súpplices adorémus: * Qui immortáli glória vírginem Senénsem dotávit Catharínam, allelúja.

[Hymnus Matutinum]
Láudibus, virgo, nimis efferénda
Jure censéris, quóniam triúmphos
Ipsa cælórum probitáte mira,
Nacta refúlges.
_
Prǽmium sanctæ tamen ipsa vitæ,
Et simul munus probitátis almæ
Accipis cælo, cumuláta cunctis
Dénique rebus.
_
Tu gravem, sacris méritis refértum,
Orbis exémplar, pietáte plenum
Prædicatórum veneráta Patrem,
Ordine fulges.
_
Nulla jam rerum plácuit volúptas,
Nullus ornátus, nitor ecce nullus
Córporis, semper fúgiens iníquæ
Cármina vitæ.
_
Sǽpius corpus dómitans acérbe,
Quam pie flagris cruor hinc et inde
Flúxerat rivis, hominúmque demum
Crímina flebas!
_
Qui per ingéntes variósque casus
Orbe terrárum cruciántur omnes,
Quotque vel curis agitántur ipsi
Undique diris.
_
Súppetent nobis tótidem canénda,
Si tuæ laudes repetántur omnes:
Tu quidem longe pietáte cunctis
Inclita præstas.
_
Grátias summas habeámus omnes
Fílio magni Genitóris almo:
Spíritum Sanctum venerémur, et sit
Laus tamen una.
Amen.

[Ant Matutinum]
Admirábilem Dei nostri clémentiam contemplári máxima Catharínæ constántia nos semper effíciet, allelúja.;;8
Misericórdia summa erga egénos atque ægrótos summópere affécta, ipsórum ærúmnas deflére hæc virgo solébat, allelúja.;;18
Christiános quidem tanta caritáte prosequebátur, ut eórum amóre incénsa diu noctúque flagráret, allelúja.;;23

