[Officium]
Sabbato infra Hebdomadam IV post Epiphaniam

[Rank]
;;Feria;;1

[Rule]
Oratio Dominica

[Lectio1]
Incipit Epístola secúnda beáti Pauli Apóstoli ad Thessalonicénses
!2 Thess 1:1-5
1 Paulus, et Sylvánus, et Timótheus, ecclésiæ Thessalonicénsium in Deo Patre nostro, et Dómino Jesu Christo.
2 Grátia vobis, et pax a Deo Patre nostro, et Dómino Jesu Christo.
3 Grátias ágere debémus semper Deo pro vobis, fratres, ita ut dignum est, quóniam supercréscit fides vestra, et abúndat cáritas uniuscujúsque vestrum in ínvicem:
4 ita ut et nos ipsi in vobis gloriémur in ecclésiis Dei, pro patiéntia vestra, et fide, et in ómnibus persecutiónibus vestris, et tribulatiónibus, quas sustinétis
5 in exémplum justi judícii Dei, ut digni habeámini in regno Dei, pro quo et patímini.

[Responsory1]
@Tempora/Epi2-6:Responsory1

[Lectio2]
!2 Thess 1:6-12
6 Si tamen justum est apud Deum retribúere tribulatiónem iis qui vos tríbulant:
7 et vobis, qui tribulámini, réquiem nobíscum in revelatióne Dómini Jesu de cælo cum ángelis virtútis ejus,
8 in flamma ignis dantis vindíctam iis qui non novérunt Deum, et qui non obédiunt Evangélio Dómini nostri Jesu Christi,
9 qui pœnas dabunt in intéritu ætérnas a fácie Dómini, et a glória virtútis ejus:
10 cum vénerit glorificári in sanctis suis, et admirábilis fíeri in ómnibus, qui credidérunt, quia créditum est testimónium nostrum super vos in die illo.
11 In quo étiam orámus semper pro vobis: ut dignétur vos vocatióne sua Deus noster, et ímpleat omnem voluntátem bonitátis, et opus fídei in virtúte,
12 ut clarificétur nomen Dómini nostri Jesu Christi in vobis, et vos in illo secúndum grátiam Dei nostri, et Dómini Jesu Christi.

[Responsory2]
@Tempora/Epi2-6:Responsory2

[Lectio3]
!2 Thess 2:1-4
1 Rogámus autem vos, fratres, per advéntum Dómini nostri Jesu Christi, et nostræ congregatiónis in ipsum:
2 ut non cito moveámini a vestro sensu, neque terreámini, neque per spíritum, neque per sermónem, neque per epístolam tamquam per nos missam, quasi instet dies Dómini.
3 Ne quis vos sedúcat ullo modo: quóniam nisi vénerit discéssio primum, et revelátus fúerit homo peccáti fílius perditiónis,
4 qui adversátur, et extóllitur supra omne, quod dícitur Deus, aut quod cólitur, ita ut in templo Dei sédeat osténdens se tamquam sit Deus.

[Responsory3]
@Tempora/Epi2-6:Responsory3
